23 yaşlı partiyanın nağılı

23 yaşlı partiyanın nağılı

“Bu günlər müxalifət mətbuatında ən geniş yer verilən məsələlərdən biri
də AXCP sədri Əli Kərimlinin gənclərlə görüşüdür. Bu görüşlə bağlı ərtaflı təsvirlər və fotoşəkilləri öz böyük uğurları kimi təqdim edən müxalifətin bir qanadı, həm də özü-özünü ifşa etdi.  Birincisi, ona görə ki, 23 ildir ki, fəaliyyət göstərən bir siyasi partiyanın gənclərinin ən böyük toplantısı belə kiçik bir iclas salonuna sığa bilir. Bu gün Əbülfəz Elçibəyin yaratdığı və onun ideyalarını “yaşadan” bir partiyanın rəhbərliyinin 2000-ci ildə Əli Kərimlinin ələ keçirməsi və bu günə qədər olan 12 illik fəaliyyəti indi bütün şəffaflığı ilə göz qabağındadır. Bu insanlar kiçik bir iclas salonundan çıxıb, bu qədər eloktoratla  Prezident seçkilərinə qatılacaq və qələbəyə də ümidləri böyükdür. Bu absurd vəziyyət onların daha böyük məğlubiyyətinə səbəb olacaqdır.

İkincisi, ora toplanan gənclərə nağıllar danışan və vədlər verən kəs, gərək öncə keçdiyi siyasi yola bir baxsın və öz qazandığı uğurunu onlara nümunə göstərsin. Belə bir uğur isə yoxdur. Əgər şəxsi nümunə yoxdursa, onun danışdığı nağılların, verdiyi vədlərin təsir gücü iclas bitənə qədər olur.

Digər və ən önəmli məsələ isə budur ki, Əli Kərimli öz çıxışında gənclərə müraciətlə belə bir ifadə işlədib: “ İndi biz bir-birimizlə yarışmalı deyilik, bir-birimizi ifşa etməli deyilik...”. Bu ifadə müxalifətin bütün mahiyyətini ortaya qoyur. Alternativ Müsavat partiyasının yaradılmasından tutmuş, Müsavat və digər müxalifət partiya liderlərinin ələ salınmasına, onlara şarjların və gülüş doğuracaq ifşaedici şeirlərin qoşulmasına qədər bütün işlər məhz AXCP tərəfindən həyata keçirilir. Özündə olmayan bir xüsusiyyətin digərlərindən tələb olunması isə öz mahiyyətini açmaqdır.

Əminəm ki, bu görüş daha neçə-neçə gənclərin itirilməsinə səbəb oldu.

Azərbaycan gəncliyi dövlətinə və dövlətçiliyinə sədaqətini hər zaman olduğu kimi bu gün də ləyaqətlə yerinə yetirir. Bizlər inanırıq ki, bu yolda bu gün düşüncə baxımından dövlətinə, millətinə xəyanət edən, erməni lobbisinin qazandığı uğurlara sevinən insanların vəd və yalanlarının təsdiqini görən çox az sayda gənclər də bizimlə birgə olacaqlar.”