Xocalı soyqırımına susanlar

Xocalı soyqırımına susanlar

Azərbaycanda özünü müxalifət adlandıran və əsasən özləri üçün təşkil etdikləri adı var, özü yox İctimai Palatada birləşən partiyaların bugünkü radikal mövqelərinin, milli məsələlərdə belə sükuta qərq olmalarının səbəblərini öncə

bilməyimiz gərəkdir. Məncə, buna səbəb o partiyaların və ümidini onların yalanlarına bağlamış bir neçə insanın 20 ildir ki, siyasi səhnədə yaşadıqları davamlı məğlubiyyətləridir. Böyük iddialar, eloktoratın iddialarla tərs mütənasibliyi, seçkiöncəsi yalan vədlər onları həddindən artıq aqressiv etdi. Hətta onlarda dəstək almaqdıqları seçicilərə - xalqa belə nifrət formalaşdırdı. Bunu indi bütün çılpaqlığı ilə görmək mümkündür.

Artıq bu insanlar hakimiyyətə deyil, xalqına, millətinə müxalifətdə olduqlarını sərgiləməkdədirlər. Azərbaycan xalqının haqq səsini dünyaya eşitdirmək məqamında bu insanlar susurlar, millətə həqarət edildiyi zaman bunlar susurlar, milli kimliyimizə, dinimizə, milli təfəkkürümüzə qara yaxıldığı zaman yenə də susurlar. Bu artıq onların xalqdan çox uzaq düşdüyünün göstəricisidir.

Bu gün 30-dan çox ölkədə dünyanın gözü qarşısında baş verən Xocalı qətliamı anılır, erməni vəhşiliyinin qurbanları yad edilir. Bunun üçün ölkəmizdə də bütün təşkilatlar, idarələr, müəssislər tədbirlər təşkil edir, internet aksiyalar keçirir, müxtəlif ünvanlara müraciətlər ünvanlayırlar. Bir müddət bundan öncə Ağ Evin rəsmi internet səhifəsində də Xocalı qətliamı ilə bağlı imzatoplama kompaniyası keçirildi, lazım olduğundan da çox sayda imzalar toplandı. Lakin görülən bütün bu işlərə radikal müxalifətdən heç bir dəstək gəlmədi. Sanki bu məsələlər xalq və millət üçün deyil, hakimiyyət üçün edilir.

Hətta bu məqamda petisiyaların imzalanması ilə bağlı sosial şəbəkələrdə antitəbliğat belə aparırdılar.

Bütün bunlar 20 ildir ki, onlara etibar etməyən Azərbaycan xalqına, millətimizə radikalları daha yaxşı tanıtdı.

Mənim fikrimcə, onların bu susqunluğuna, təəssüf doğuran sükutuna qarşı bizlər - dövlətini, millətini sevən və daim ölkəmizin uğuru üçün çalışan gənclik artıq öz gərəkli addımını atmışdır. Onları nə qədər dövlətə, millətə qarşı olan məsələlərdə belə susqun olacaqlar, biz də dövlətimizin ucalığı üçün daha mübariz və daha əzmkar olacağıq. Biz gənclərin dövlətimizə bağlılığı onların məhvini daha da tezləşdirəcək.

Müxalifətin Xocalı qətliamı ərəfəsində də olan bu sükutuna xalq özü cavab verəcək. Xalqın öz taleyini hansı şəxsə etibar etdiyini müəyyən edən məqamda atacağı addım radikalları məhv edəcəkdir. Növbəti Prezident seçkilərində Azərbaycan Respublikası Prezidenti cənab İlham Əliyevin xalqdan alacağı böyük dəstək bu radikal qrupun siyasi karyersına birdəfəlik son qoyacaqdır.

Sərraf Hüseynov