BAKIDA YANVAR

BAKIDA YANVAR

Ölümə hamilə başlar,

Ölümə hamilə gözlər,

Ölümə hamilə qaşlar,

Ölümə hamilə əllər,

Ölümə hamilə dişlər,

Yüklərini yerə qoydular –

O gecə.

Növbəti doğum üçün

Dadı azacaq ağızlarını

İnsan qanıyla

Yenidən dada gətirdilər

Beləcə.

Ölümə hamilə başların,

Ölümə hamilə gözlərin,

Ölümə hamilə qaşların,

Ölümə hamilə əllərin,

Ölümə hamilə dişlərin

Acığına –

Bu şəhərin insanları

Təzə gəlin yaşmanan tək,

Canlarıyla,

Qanlarıyla yaşmadılar

Bu şəhəri.

Torpağını, daşını

Gizlədilər məkirli gözlərdən.

Sonra da, sonra da

Canlarıyla, qanlarıyla

Çəkildilər bu şəhərin

Torpağının təkinə.

Bir daha, bir daha

Oyatdılar bu torpağın

İki yüz illik

Qan yaddaşını.

Sərraf Balaxan

sbalaxan@gmail.com