Haykular

Haykular

 

Şəhər haykuları

Qaş qaralır 28-də.

Kirli göyərçin enir

Cəfərin çiynindən ağuşuna.

Rozmarin ətrli bağça.

Fəvvarədə vurnuxur

Xançinarın yarpağı.

Qaldırım. Xəzəl.

Qubernatorun ruhu çıxır

Filarmoniyanın bacalarından.

Adamlar gəlir.

Beşmərtəbələrin başı mansardlanır,

Papaxlanır Bakı.

İnsan sürtülür küçədə,

Bozarır. Bərq vurur,

Üzü gedir suyun şəlalədə.

Kənd haykuları

Çörək. Kişilik.

Atamın köynəyin geyib

Anam təndir salır.

Qış tez gəldi,

Çəkməmdə mürgü döyən,

Anac qurbağanı oyadırıq.

Pişiyimizi azdırırıq.

Süd qazanındakı

Siçanlar boğulur qəhərdən.

Kənd. Zaman ləngiyir.

İndi öldürdüyü daşı da

əqrəbindən asırıq saatımızın.

Günəş gülür,

Pıçıldaşır kollar –

Diş ağardır pambıq qozası.

                                                          Sərraf  Balaxan

Ana dili

Hər bir xalqın milliliyini, mənəvi dəyərlərini yaşadan, inkişaf etdirən onun dilidir.  

Ana dilini bilməmək, ana dilini qiymətləndirməmək, şübhəsiz ki, xalq qarşısında böyük qəbahətdir.  

Hər bir xalq öz dili ilə yaranır.

Heydər Əliyev

Azərbaycan Respublikasının doqquz milyonluq əhalisinin (2010) gündəlik ünsiyyət vasitəsi və rəsmi dövlət dili Azərbaycan dilidir.

Azərbaycan dili İran İslam Respublikasında yaşayan 20 milyonluq azərbaycanlının da ana dilidir. Rusiyada, ABŞ-da, Türkiyədə və Qərbi Avropa ölkələrində bir neçə milyon azərbaycanlı yaşayır. Bir neçə yüzilliklər ərzində müxtəlif ölkələrin sakinləri olmalarına baxmayaraq, bu gün də hansı ölkədə yaşamalarından asılı olmayaraq, azərbaycanlılar bir-birlərini sərbəst anlayırlar. Beləliklə, yer üzündə hazırda Azərbaycan dilində danışan 30 milyondan çox adam yaşayır.

Azərbaycan dili genealoji təsnifata görə türk dillərindən biri olub, həmin dil ailəsinin oğuz qrupuna daxildir və ən yaxın qohumları olan türk, türkmən və qaqauz dilləri ilə birlikdə ərazi prinsipinə görə türk dilləri arealının cənub-qərb qrupunu təşkil edirlər.

Azərbaycan dili böyük inkişaf yolu keçmiş qədim ədəbi dillərdən biridir. “Kitabi-Dədə Qorqud” dastanlarının dili ədəbi dilimizin şifahi növü kimi qəbul edilərsə, hazırda xalqa ünsiyyət vasitəsi kimi xidmət edən dilin yaşı 1300 ildən çox sayıla bilər. Azərbaycan yazılı ədəbi dilinin tarixi isə hələlik əldə olan materiallara görə XIII əsrdən başlayır.

Ana dilinə həmişə xüsusi diqqətlə yanaşan, dilimizin dərin bilicisi Heydər Əliyev dövlət dilinin yeni inkişaf dönəmində yaranmış vəziyyəti nəzərə alaraq 2001-ci il iyun ayının 18-də “Dövlət dilinin tətbiqi işinin təkmilləşdirilməsi haqqında” fərman imzalamışdır.

Fərmanda dilimizin öz tarixi inkişafı boyu əldə etdiyi uğurlarla yanaşı, yaşadığımız dövrdə dövlət dili sahəsində yaranmış problemlər də geniş təhlil edilmiş və həmin problemlərin həlli yolları göstərilmişdir.

Hazırda Azərbaycanda latın qrafikası əsasında yaradılmış Azərbaycan əlifbasından istifadə edilir.

Bu qüruru yaşamaq bizim haqqımızdır. Prezidentimiz Cənab İlham Əliyev bu addımı ilə Türk birliyini dünyaya nümayiş etdirdi.

Milli Şuradan nə çıxaracaqlar?

Demokratik Qüvvələrin Milli Şurası kimi pafos dolu adı olan bir qurumun birbaşa seçkidə iştirak və xəyallarında olan qalibiyyəti reallaşdırmaq məqsədi ilə yaratdıqları artıq gerçəklikdir. Baxmayaraq ki, bu birliyi yaradarkən onlar davamlı şəkildə demokratiləşmə, insan

Cənab İlham Əliyev xalqa, dövlətə sədaqət andı içdi

Azərbaycan Respublikasının Konstitusiyasının birinci maddəsinin birinci bəndində vurğulanan “Azərbaycan Respublikasında dövlət hakimiyyətinin yeganə mənbəyi Azərbaycan xalqıdır” sözləri ölkəmizin ən ali qanununda xalqın iradəsinə verilən önəmin göstəricisidir.  Azərbaycan xalqı bu müstəsna səlahiyyətindən istifadə edərək bu dəfəki Prezident seçkilərində də öz qətiyyətini və iradəsini ortaya qoyaraq, ölkəmizdə görülən işlərə, əldə edilən uğurlara, beynəlxalq nailiyyətlərə davam dedi. Xalq 10 ildir ki, Azərbaycana ləyaqətlə xidmət edən cənab İlham Əliyevə böyük etimad göstərdi.

İlham Əliyev və ölkəmizdə vətəndaş cəmiyyəti quruculuğu – 10 il

İlham Əliyev və ölkəmizdə vətəndaş cəmiyyəti quruculuğu – 10 il

Cəmiyyətin inkişafının nəticəsi olaraq formalaşan dövlət özü də zaman və əhatə etdiyi toplumun təşəkkülü baxımından daha da təkmilləşir. Dövlət daha köklü və daha dərin məvfum olaraq öz-özünü toplumun ehtiyacları baxımından mükəmməlləşdirir.

Öncə təhlükəsizliyin təmin olunması (ərazi, ərzaq, enerji, nəqliyyat və s. təhlükəsizliyi) dövlət üçün əsas şərtdir. Təminatlı dövlətin ikinci ən böyük ehtiyacı vətəndaş cəmiyyətini formalaşdırmaq,

Sərraf Balaxan: “Cəmil Həsənli dərsliklərin müəllifi olaraq daha güclüdür” – Editor.az

Cəmil Həsənli çox faydalı araşdırmaların, dərsliklərin müəllifi olaraq daha güclüdür, nəinki radikal müxalifətin istəklərinin ifadəsi olan namizəd kimi

Sərraf Balaxan: “Cəmil Həsənli dərsliklərin müəllifi olaraq daha güclüdür” – Editor.az

Radikallardan təmizlənmə

Radikallardan təmizlənmə

Çox az bir müddətdə yaradılmasına baxmayaraq, Azərbaycanın klassik müxalifətini yerlə yeksan edən Milli Şura öz azsaylı tərəfdarlarını hələ də məyus etməkdə davam edir. Əslində bu bizim tarixi müxalifətçilərin, hakimiyyət naminə