Radikallardan təmizlənmə
Çox az
bir müddətdə yaradılmasına baxmayaraq, Azərbaycanın klassik müxalifətini yerlə
yeksan edən Milli Şura öz azsaylı tərəfdarlarını hələ də məyus etməkdə davam
edir. Əslində bu bizim tarixi müxalifətçilərin, hakimiyyət naminə
istənilən
oyuna gedənlərin öncədən duymadıqları bir oyuna çevrildi. Bir neçə ay əvvəl sədri
olduğu partiyadan xəbərsiz, partiyanın ali orqanının qərarı olmadan özünün
Prezidentiliyə namizədliyini irəli sürən İsa Qəmbər, bu namizədliyə böyük
hazırlıq işləri görən Əli Kərimli yaradılan Şuranın qarasına getdilər və
hazırki aciz duruma düşdülər.
Milli
Şurada baş verən proseslər o qədər qaranlıq və sürətli oldu ki, heç öz üzvləri
belə nəyin baş verdiyini anlamağa vaxt tapmadilar. Rüstəm İbrahimbəyovun və
onun sözçüsü Eldar Namazovun şura üzvlərinin başına gətirdiyi oyunlar əslində
gözəl bir ssenarinin oluğunu təsdiqlədi. Rüstəm İbrahimbəyovun ortaya qoyduğu
yaradıcı siyasətçi obrazı baş verən proseslərdə aydın hiss edilirdi.
Milli Şuranın
qurduğu bu oyunlarda cəmiyyətdə hələ də AXCP və Müsavat cütlüyünə hələ də
inanan az bir kəsim üçün faydalı nəticələr ortaya qoyuldu. Bunlardan birincisi Azərbaycanda
ömürlük müxalifətçiliyi, antimilliliyi qəbul etmiş Əli Kərimli və İsa Qəmbər
cütlüyünün müəyyən qədər də olsa zərərsizləşdirilməsi faktı oldu. İkinci bir məsələ,
bu cütlüyün zərərsizləşdirilməsi və ortalıqdan çıxarılması onların yanında olan gənclər üçün müəyyən
imkanlar yaratdı. Ən önəmlisi isə, bu oyun, ola bilsin ki, gələcəkdə Ölkəmizdə
də sağlam müxalifətin yaranması üçün ilkin zəmin olsun.
Milli
Şura bu gün nəhayət yıxıla-dura öz vahid namizədini elan etdi. Bu şəxs bəlkə də
ssenarinin növbəti epizodik obrazıdır. Amma hər halda, radikalların istəkləri
fonunda reallaşan bir obrazdır. Cəmil Həsənli çox faydalı araşdırmaların, dərsliklərin
müəllifi olaraq daha güclüdür, nəinki radikal müxalifətin istəklərinin ifadəsi
olan namizəd kimi.
Hələ bunu
da Milli Şura oyunun sonu hesab etmirəm, ola bilsin qarşıda Azərbaycan cəmiyyətindən
bu radikalların təmizlənməsi üçün daha gözəl planlar vardır.
Hiç yorum yok:
Yorum Gönder