Azərbaycan Respublikasının Konstitusiyasının birinci
maddəsinin birinci bəndində vurğulanan “Azərbaycan Respublikasında dövlət hakimiyyətinin
yeganə mənbəyi Azərbaycan xalqıdır” sözləri ölkəmizin ən ali qanununda xalqın iradəsinə verilən önəmin
göstəricisidir. Azərbaycan xalqı bu müstəsna
səlahiyyətindən istifadə edərək bu dəfəki Prezident seçkilərində də öz qətiyyətini
və iradəsini ortaya qoyaraq, ölkəmizdə görülən işlərə, əldə edilən uğurlara,
beynəlxalq nailiyyətlərə davam dedi. Xalq 10 ildir ki, Azərbaycana ləyaqətlə
xidmət edən cənab İlham Əliyevə böyük etimad göstərdi.
Bununla xalqımız həm də
Ulu Öndər Heydər Əliyevin milli siyasət strategiyasına, Azərbaycançılıq məfkurəsinə
ehtiramını ifadə etdi.
Bu gün
Azərbaycan Respublikasının Konstitusiya Məhkəməsi keçirilən seçkilərin nəticələri
ilə bağlı dəyişməz qərar qəbul etdi. Bu qərar təkcə cənab İlham Əliyevin Azərbaycan
Respublikasının Prezidenti kimi təsdiqlənməsi deyil, həm də xalqın iradəsinə
hörmətin göstəricisi, Azərbaycanın gələcək uğurlarına olan inamın ifadəsi idi.
Məhkəmənin
verdiyi qərardan sonra möhtərəm cənab İlham Əliyev Azərbaycan xalqı və dünya
ictimaiyyətinin nümayəndələri qarşısında növbəti dəfə and içdi. 10 il bundan
öncə cənab İlham Əliyev Prezident səlahiyyətlərinin icrasına başlamaqla bağlı
and içərkən hər bir Azərbaycanlının prezidenti olacağına, Azərbaycanı daha
böyük uğurlara aparacağına söz vermişdi.
Bu gün
deyilən sözlər, verilən vədlər hər biri reallaşmışdır. Azərbaycan dövləti bütün
sahələrdə öz gücünü artırmış, həm daxili, həm də xarici siyasətdə, beynəlxalq
aləmdə misilsiz uğurlar qazanmışdır.
Mən bir
gənc kimi, əminəm ki, cənab İlham Əliyev növbəti 5 ildə də ölkəmizə uğurla rəhbərlik
edəcək, xalqımızı dünyanın ən uca kürsülərində ləyaqətlə və şərəflə təmsil edəcəkdir.
Azərbaycanı qarşıdakı 5 ildə böyük uğurlar gözləyir, böyük qələbələr gözləyir.
Biz bu qələbələrə təkcə şahidlik etməyəcəyik, həm də onların qazanılmasında cənab
İlham Əliyevin ən yaxın dəstəkçisi olacayıq.
Atdığımız
hər bir addımda cənab İlham Əliyevin biz gənclərə olan inam və etimadını
doğrultmağa çalışacayıq!
Prezident
seçkilərində qazanılan bu qələbəni bütün Azərbaycan xalqının qələbəsi hesab
edirəm, Möhtərəm cənab İlham Əliyevə növbəti Prezidentliyi müddətində uğurlar,
nailiyyətlər arzulayıram və atılan hər bir addımda cənab Prezidentə biz gənclərin
dəstək verəcəyini, Azərbaycanın bayrağını ucalarda tutmaq üçün əlimizdən gələni
əsirgəməyəcəyimizi ifadə edirəm.
Sərraf Balaxan
YAP Gənclər Birliyi Ofisinin rəhbəri
Təbriklər!
YanıtlaSilTebrikler!
YanıtlaSil