Dünyaya "keyfiyyətli marixuana" təklif edən QARABAĞ

Dünyaya "keyfiyyətli marixuana" təklif edən QARABAĞ

Azərbaycanın Milli Təhlükəsizlik Nazirliyinin keçirdiyi son əməliyyatların biri Azərbaycan Respublikası Prezidentinin dəfələrlə yüksək tribunalardan cəsarətlə səsələndirdiyi fikri bir daha təsdiqlədi. Bu Ermənistanın işğal etdiyi tarixi Azərbaycan torpaqlarında narkotiklərin qanunsuz yetişdirilməsi və ixracı məsələsidir.

Cənab Prezidenti hər dəfə bu məsələni gündəmə gətirərək dünyanın diqqətini təkcə Qarabağ probleminə deyil, həm də bu gün oradan bütün dünyaya yayılan
ağ ölüm təhlükəsinə çəkir.

Hazırda Ermənistan özünün də dərindən dərk edib anladığı Qarabağın gec-tez öz sahibinə qaytarılması həqiqətini qəbul etmişdir. Öz havadarlarının təkidi və tələbi ilə hələ də özünə ən böyük problem olan Qarabağ məsələsini uzadan Ermənistan hakimiyyəti o torpaqlardan yalnız cinayətkarlıq, qanunsuz qapalı zona kimi istifadə edir.

Bu gün nəinki Qarabağda, heç Ermənistanın özündə belə yaşamaq istəməyən ermənilər, hazırki erməni hakimiyyətinə heç bir əlavə şans verməyiblər. Onların ölkədən, həmçinin çox az qismin məskunlaşdığı Qarabağdan qaçması o zonanı özü bir əraziyə çevirmişdir.

Qarabağın sərvətlərindən, münbit torpaqlarında yalnız cinayətkar məqsəd naminə yararlanan ermənistanın bu dünyaya ağ ölüm ixracını yaxın zamanda bütün dünya qəbul edəcəkdir.

Məhz bu gün Azərbaycan dövlətinin əsas məqsədi də Ermənistan kimi terrorçu, cinayətkar, narkotik, silah biznesi ilə məşğul olan bir ölkəni dünyanın gözü qarşısında ifşa etməkdən ibrətdir.

Milli Təhlükəsizlik Nazirliyinin uğurlu əməliyyatı nəticəsində ələ keçirilən İran vətəndaşının etirafı isə, mənim üçün sadəcə bir dəhşətdir : “...həmin narkotik vasitələrin İran ərazisində də əkilməsinə baxmayaraq, müştərilərin əsasən Qarabağda yetişdirilmiş daha keyfiyyətli marixuanaya üstünlük verir.”

Bu bir Azərbaycanlı kimi mənim üçün çox sarsıdıcı bir ifadədir. Çünki bir zamanlar dünyaya unikal mədəniyyət, insansevərlik, qonaqpərvərlik, musiqi, Qarabağ atı təklif edən qızıl kimi torpaqlar indi vandal ermənilərin ixtiyarında olmaqla, dünyaya yalnız “keyfiyyətli narkotik” təklif edir.

İndi Qarabağ bütün dünya üçün real təhlükə zonasına çevrilib.

Dünya öz insanını qorumaq naminə Qarabağ problemində Azərbaycanın haqq işinə dəstək olmalıdır. Mən düşünürəm ki, bu işdə dünya dövlətlərinin, beynəlxalq təşkilatların başqa bir seçimi yoxdur.